Esta fin de semana o Culturgal xuntará en Pontevedra á xente que crea, ve, deseña, escoita, produce, pensa, compón, actúa e goza a cultura galega. Nós vémonos facendo varias destas cousas, polo que NóComún tamén estará no Culturgal.

Convidámosvos a que vos pasedes polo noso stand, no que vos presentamos o skyline da industria cultural galega: un mapa conceptual construído coas empresas dos sectores da nosa cultura. Aquí tedes un adianto da proposta, aínda que o contido apreciarédelo mellor no Pazo da Cultura de Pontevedra, do venres 2 ao domingo 4  de decembro, de 11 a 14:30h e de 16:30h a 21:30h. Alí nos vemos!